Kvardagsliv

Mais! Eller Maiis som Siri seier har vorte ein storfavoritt her nede. Lokalt heiter det helotes og det smakar vedunderleg! Det er kokt mais med majones, ost, chili og lime på. Kvifor sel dei ikkje dette som nattmat i Norge?

(nesten) kvar kveld stiller me oss opp i kø framføre maismannen si vogn rett nedi gata. Me har vorte stamgjestar. :)

På søndag reiste til me til eit marked som var i ein liten landsby ca 30 min unna." Thlacolula". Me køyrde shared taxi i stor fart medan me høyrde på kjekke spanske slagers!

 

Me åt tostados, sprø tortilla med avocado, moste bønner, tomat, ost og salsa. Godt! Og møtte på søte markedsdamer som selde fine skjerf, men som og hadde ein kalkun bunde fast under bordet. Når me spurte om å få ta bilde vart det mykje latter, og endå meir latter då ho ville at Ingvild skulle halde kalkunen. (ingvild turte ikkje).

På markedet var det mykje fint å sjå på. Markedet er fast kvar sundag og folk frå ulike landsbyar rundt kjem for å selga varene sine.  Over store delar av markedet hadde dei hengt opp preseningar som skal holde sol og evt regn unna. Desse preseningane var ikkje tilpassa til Jonas... ;)

Ellers så har me det veldig bra! Fortsatt litt småsjuke, men me held motet oppe. Me kjenner ikkje så mykje på ol-stemninga. Her i Mexico har dei kun ein utøvar til vinter-ol og han er halvt tysk, det gjer det vanskeleg å skryte av Norge.

Saknar alle dykk der heime, og håpar de har det bra.

Saludes 

Ingvild, Siri y Jonas.